Solos e desertificación

O solo alberga unha cuarta parte da biodiversidade terrestre do planeta. É o compoñente máis diverso dos ecosistemas terrestres e inclúe representantes de todos os dominios biolóxicos. A gran maioría son organismos microscópicos (bacterias, arqueas, fungos, algas, protozoos), cunha enorme representación de micro, meso e macrofauna (nematodos, tardígrados, artrópodos, moluscos e anélidos, entre outros).

A diversidade edáfica é extremadamente variable entre ecosistemas, xa que está ligada ás condicións climáticas, ás propiedades físicas e químicas do solo e á súa xestión. Así mesmo, a biodiversidade do solo determina servizos ecosistémicos esenciais, como a súa capacidade de captación de carbono, a provisión de nutrientes para a vexetación, a transformación de substancias contaminantes e o control das emisións de gases de efecto invernadoiro á atmosfera. Por iso, a perda da diversidade edáfica é unha das ameazas que afecta á multifuncionalidade do solo, así como unha das lagoas de información a nivel europeo, tal e como recolle o informe SOER 2020 da Axencia Europea de Medio Ambiente.

Por iso, a perda da diversidade edáfica é unha das ameazas que afecta á multifuncionalidade do solo, así como unha das lagoas de información a nivel europeo, tal e como recolle o informe SOER 2020 da Axencia Europea de Medio Ambiente.